Բարի՛ գալուստ:
Ուրախ ենք ողջունել Ձեզ միջազգային համագործակցության և զարգացման կենտրոնում:
Մենք համակարգում ենք Հայաստանի Հանրապետության պետական կառավարման ակադեմիայի միջազգային գործունեությունը: Մեր ջանքերն ուղղված են կառուցելու և բարելավելու Ակադեմիայի միջազգային հարաբերությունները՝ հիմնված տարբեր միջազգային ծրագրերի և միջոցառումների վրա: Մեր գործառույթներից են.
- հիմք ընդունելով Ակադեմիայի ռազմավարական ծրագիրը՝ ձևավորել ռազմավարական նշանակություն ունեցող միջազգային կապեր և կնքել համապատասխան համագործակցության պայմանագրեր,
- ձեռնարկել և զարգացնել համագործակցային հարաբերություններ Ակադեմիայի և օտարերկրյա համալսարանների, հետազոտական, առևտրաարդյունաբերական կենտրոնների և այլ հաստատությունների հետ,
- ձևավորել և զարգացնել համագործակցային կապեր Ակադեմիայի և Հայաստանի Հանրապետության տարբեր կրթական հաստատությունների, հետազոտական կենտրոնների, կորպորատիվ ընկերությունների, ինչպես նաև պետական կառավարման համակարգի տարբեր օղակների հետ,
- հյուրընկալել օտարերկրյա պատվիրակություններին և անհատներին աշխարհի տարբեր ծայրերից, ինչպես նաև կազմակերպել Ակադեմիան ներկայացնող պատվիրակությունների և անհատների այցերն օտար երկրներ,
- Ակադեմիայի տարբեր ստորաբաժանումներին իրազեկել և խորհրդատվություն տրամադրել տարբեր միջազգային ծրագրերի և մասնագիտական գործունեության հնարավորությունների վերաբերյալ,
- նպաստել Ակադեմիայի ուսանողների, դասախոսների և անձնակազմի շարժունությանը, կազմակերպել և համակարգել նրանց փոխանակումը, տրամադրել համապատասխան աջակցություն,
- իրականացնել միջազգային դրամաշնորհային ծրագրեր՝ խթանելով Ակադեմիայի միջազգայնացմանը, համագործակցելով Ակադեմիայի այլ ստորաբաժանումների և մասնագիտական ամբիոնների հետ:
